Хэнтий аймгийн Бор-Өндөр сум дахь сум дундын шүүхийн Тамгын газраас 2023 оны 05 дугаар сарын 04-ний өдөр тус шүүхийн захиргааны ажилтнуудад дотоодын сургалтыг зохион байгууллаа.  

Тамгын газрын даргын албан үүргийг түр орлон гүйцэтгэгч Л.Хэрлэнтуяа:

Жендэрийн эрх тэгш байдлыг хангахад чиглэсэн төлөвлөгөөний дагуу “Жендэрийн эрх тэгш байдлыг хангах тухай хууль”-ийн тодорхой хэсгээс албан байгууллагад жендэрийн эрх тэгш байдлыг хангах нөхцөл бүрдүүлэх эрх зүйн үндсийг тодорхойлохын ач холбогдол сэдвээр

Шүүх хуралдааны нарийн бичгийн дарга Б.Туяа: “Шүүх хуралдааны тэмдэглэл хөтлөх, техникийн зохион байгуулалтыг хангах тухай” сэдвийн хүрээнд эрүү, иргэн, захиргааны хэрэг, хянан шийдвэрлэх ажиллагааны тэмдэглэл, шүүх хуралдааны тэмдэглэл, шүүх хуралдааны техник, зохион байгуулалтыг хангах ажиллагааны тухай сургалт;

Эвлэрүүлэн зуучлагч П.Амаржаргал: 2023 оны 03 дугаар сарын 01-ний өдрөөс эхлэн “Мөнгөн зээлийн үйл ажиллагааг зохицуулах тухай хууль” мөрдөгдөж эхэлсэнтэй холбогдуулан энэхүү хуулиар мөнгөн зээлийн үйл ажиллагаа эрхлэх хуулийн этгээд, мөнгөн зээлийн үйл ажиллагааг байнга, ашиг олох зорилгоор эрхлэх иргэнийг бүртгэх, хяналт тавих, тэдгээрээс олгох зээлийн хүүгийн дээд хэмжээг тогтоох болон мөнгөн зээлийн үйл ажиллагаанд хэрэглэгчийн эрх, хууль ёсны ашиг сонирхлыг хамгаалах зэрэг асуудлыг, мөн “Эвлэрүүлэн зуучлалын тухай хууль”-ийн хүрээнд харилцан ярилцаж, тус хуулиар практикт гардаг бодит жишээн дээр тулгуурлаж ажилтнуудыг мэтгэлцүүлэх зарчмаар сургалтыг зохион байгууллаа.

ХЭНТИЙ АЙМГИЙН БОР-ӨНДӨР СУМ ДАХЬ СУМ ДУНДЫН ШҮҮХ