Хэнтий аймгийн Бор-Өндөр сум дахь Сум дундын шүүхээс санаачлан Дэлхийн гэр бүлийн өдрийг тохиолдуулан Хэнтий аймгийн Гэр бүл, хүүхэд хөгжлийн газрын Залуучуудын хөгжлийн салбар зөвлөл, хамтын ажиллагаа хариуцсан ахлах мэргэжилтэн Э.Сувд-Эрдэнэ, сэтгэл зүйч О.Болормаа нарыг урьж 2023 оны 05 дугаар сарын 16-ны өдөр “ЖАРГАЛТАЙ ГЭР БҮЛ” сэдэвт сургалтыг Бор-Өндөр сумын Соёлын төвд зохион байгууллаа.

Уг сургалтын үеэр тус шүүхийн шүүн таслах ажлын танилцуулга, Эвлэрүүлэн зуучлах ажиллагааны талаарх танилцуулгыг хийж, Хэнтий аймгийн ГБХХГЗХСЗөвлөл, хамтын ажиллагаа хариуцсан ахлах мэргэжилтэн Э.Сувд-Эрдэнэ “Гэр бүлийн харилцааны сэтгэл зүй”, сэтгэл зүйч О.Болормаа “Архи согтууруулах ундааны зохистой хэрэглээ” сэдвүүдээр Бор-Өндөр сум дахь сум дундын Прокурорын газар, Бор-Өндөр сумын Засаг даргын Тамгын газар, албан байгууллага, аж ахуйн нэгж, Бор-Өндөр сумын иргэдэд, “Жендер ба хүний эрх”, “Ажлын байран дахь стресс менежмент” сэдвүүдээр тус шүүхийн ажилтнуудад тус тус сургалт хийсэн нь сонирхолтой, үр өгөөжтэй байлаа. Сургалтыг сонирхолтой байдлаар зохион байгуулсан багш нартаа ажлын өндөр амжилтыг хүсье.

ШҮҮХИЙН ХЭВЛЭЛ МЭДЭЭЛЭЛ

ОЛОН НИЙТТЭЙ ХАРИЛЦАХ БАГ